Raheeq Ahmad Abbasi

سپین (نوید احمد اندلسی) پاکستان عوامی تحریک کے مرکزی صدر ڈاکٹر رحیق احمد عباسی 14مارچ بروز ہفتہ 1روزہ تنظیمی دورہ پر بارسلونا آئیں گے، جہاں وہ مختلف سیاسی شخصیات سے ملاقاتوں کے علاوہ پاکستان عوامی تحریک سپین کے نو منتخب عہدیداران سے حلف لیں گے اور PATسپین کے زیر اہتمام یوم پاکستان کے سلسلہ میں ہونے والی کانفرنس سے خطاب بھی کریں گے جس کو قائد اعظم کا پاکستان اور موجودہ نظام سیاست کا عنوان دیا گیا ہے۔

پاکستان عوامی تحریک سپین کے سیکریٹری اطلاعات یوسف چوہدری کی طرف سے جاری کردہ پریس ریلیز کے مطابق ڈاکٹر رحیق احمد عباسی پاکستان عوامی تحریک سپین کی نو منتخب ایگزیکٹو کی خصوصی دعوت پر بارسلونا (سپین) آرہے ہیں، 14مارچ 2015ء بروز ہفتہ کی سہ پہر 4:30بجے کاسا دیل مار CasaDelMarمیں یوم پاکستان کے سلسلہ میں کانفرنس میں بطور مہمان خصوصی شریک ہونگے اور خطاب بھی کریں گے، اس موقع پر وہ نو منتخب عہدیداران سے حلف بھی لیں گے۔

کانفرنس میں مقامی پاکستانی کمیونٹی کے علاوہ بارسلونا سپین کی پاکستانی اور مقامی سیاسی شخصیات بھی شرکت کریں گی۔ بارسلونا میں اپنا دورہ مکمل کرنے کے بعد اتوار کو پاکستان عوامی تحریک فرانس کے ایگزیکٹو ممبران کی تقریب حلف برداری کے سلسلہ میں پیرس روانہ ہو جائیں گے۔