2 girls raped during Karachi

کراچی……کراچی میں 10 دِنوں کے دوران 2 لڑکیوں کو زیادتی کا نشانہ بنایا جاچکا ہے،گذشتہ روزبوٹ بیسن میں 15 سالہ لڑکی سے مبینہ اجتماعی زیادتی کرنے والےتین ملزمان میں سے ایک گرفتار ہوگیا، جبکہ دو فرار ہوگئےہیں۔
پولیس کے مطابق بوٹ بیسن غلام رسول کالونی میں گزشتہ رات 15 سالہ لڑکی موبائل فون میں بیلنس ڈلوانے گئی تو دکاندار نے اپنے دو دوستوں کے ساتھ اُسے زیادتی کا نشانہ بنایا۔ پولیس نے متاثرہ لڑکی کے باپ کی مدعیت میں مقدمہ درج کرکے ایک ملزم کو گرفتار کرلیا ہے۔گذشتہ اتوار کو بھی ملیر کے علاقے الفلاح کی رہائشی 20سالہ لڑکی کالج سے واپسی پر پراسرار طور پر لاپتہ ہوگئی تھی، بعدمیں اُسے تشویشناک حالت میں میمن گوٹھ سے اسپتال لایا گیا، جہاں زیادتی کی تصدیق ہوگئی۔ اس واقعے میں ملوث ملزم تاحال گرفتار نہیں ہوا۔