دہرادون: بھارت کی ریاست اتر اکھنڈ میں بس کھائی میں گرنے کے نتیجے میں 21 یاتری ہلاک جب کہ 7 زخمی ہوگئے۔

21 Hindu pilgrims killed in bus plunges into ravine in india

بھارتی میڈیا کے مطابق ریاست اتر اکھنڈ میں ہندوؤں کے مذہبی مقام گنگوتری سے واپسی پر یاتریوں سے بھری بس بے قابو ہوکر کھائی میں جاگری۔ حادثے کے نتیجے میں 21 افراد ہلاک جب کہ 7  زخمی ہوگئے، زخمیوں کو قریبی اسپتال منتقل کردیا گیا ہے۔ اتر اکھنڈ میں ایڈیشنل ڈائریکٹر جنرل پولیس رام سنگھ مینا نے واقعے کی تصدیق کرتے ہوئے کہا ہے کہ ریاست مدھیہ پردیش کے شہر اندور سے تعلق رکھنے والے 57 یاتری 2 بسوں میں سوار تھے جن میں سے ایک بس حادثے کا شکار ہوئی ہے۔ حادثہ چڑھائی کے دوران بس کا ٹائر نکلنے کی وجہ سے پیش آیا ہے۔ واضح رہے کہ ریاست اتراکھنڈ کوہ ہمالیہ کے پہاڑی سلسلے میں واقع ہے اور وہاں ہندوں کے کئی مذہبی مقامات ہیں ، جہاں ہر سال ہزاروں افراد پوجا پاٹ کے لیے جاتے ہیں۔