3, soaring mytdflm ready

لاس اینجلس …..ہالی وڈ کی ایکشن اور مارشل آرٹ کے داؤ پیچ سے بھرپور کمپیوٹراینی میٹڈتھری ڈی فلم کنگ فُو پانڈا3 کافائنل ٹریلر جاری کر دیا گیا ہے جو کل سے سنیماگھروں میں دھوم مچانے آرہی ہے۔
دنیا بھر میں کھڑکی توڑ بزنس کرنیوالی کنگ فو پانڈا سلسلے کی پہلی فلم 2008میں ریلیز کی گئی جبکہ اس کا سیکوئل2011میں سنیماگھروں کی زینت بنا، اب اسی کڑی کی تیسری فلم مداحوں کیلئے پیش کی جا رہی ہے ۔ایلزینڈرو کارلونی اور جینیفر یو نیلسن کی مشترکہ ہدایتکاری میں بننے والی فلم کی کہانی گزشتہ حصوں کی طرح اس بار بھی مارشل آرٹس اور کنگ فُو کے ماہر ایک ایسے بہادر پانڈا کے گِرد گھومتی ہے جو اپنے ساتھیوں کے ساتھ ملکر دشمنوں کا بہادری سے مقابلہ کرتا ہے اورانہیں دھول چٹا دیتا ہے۔امریکی اور چائنیز سنیما کی مشترکہ کاوش سے بننے والی اس فلم کو ملیسا کوب نے پروڈیوس کیا ہے جبکہ فلم کے ڈائیلاگ ہالی وڈ اداکارجیک بلیک، انجلینا جولی ، جیکی چن، ڈسٹن ہوفمین، لوسی لیؤ، ڈیوڈ کراس، سیٹھ روجن، جیمز ہونگ، ریبل وِلسن اور برائن کرینسٹن کی آوازوں میں ریکارڈ کئے گئے ہیں۔لگ بھگ 140ملین ڈالر لاگت سے مکمل ہونے والی فلم کل سنیما گھروں میں نمائش کیلئے پیش کی جائے گی۔