7 terrorists arrested in various Bannu

بنوں…….اسپیشل پولیس یونٹ بنوں نے مختلف کارروائیوں میں سات دہشتگرد گرفتارکرلئے جن کے قبضہ سے بارودی مواد بھی برآمد ہوا۔ اسپیشل پولیس یونٹ بنوں سے جاری بیان کے مطابق پہلی کارروائی تھانہ میریان کے علاقہ میں کی گئی جہاں سے صداقت اللہ نامی دہشتگرد کو 3 کلوگرام بارودی مواد برآمد ہوا۔ دہشتگرد کالعدم تنظیم کا رکن ہے جس کا تعلق پشاور کے علقہ بڈھ بیر سے ہے۔ دوسری کارروائی بنوں کے علاقہ پیروخیل میں کی گئی جہاں ایک زیر تعمیر گھر سے 6 دہشتگردوں کو گرفتارکیاگیا جن کے نام عابد، شمس الرحمن، انورکمال، صفدراقبال، منصوراور قدرت اللہ شامل ہیں۔ انکا تعلق بنوں اور فاٹا سے بتایاگیا ہے۔ دہشتگردوں کے قبضہ سے 2کلوبارود، ڈیٹونیٹرز، دو پستول اور ایک کلاشنکوف برآمد ہوئی۔