سرکس کے دوران آپ نے جانوروں کے کئی حیرت انگیز کرتب دیکھے ہونگے جو اپنے نگراں کے ساتھ ملکر ایکروبیٹکس پیش کرتے ہیں۔

ہنگری سے تعلق رکھنے والے ایک ایسے ہی نوجوان کے بارے میں آپ کو بتاتے ہیں جو سرکس میں کام کرتا ہے اور ایسے ایسے ایکروبیٹک اسٹنٹس پیش کرتاہے کہ دیکھنے والے حیران رہ جاتے ہیں۔ یہ نوجوان نہ صرف ہاتھیوں کے ساتھ ملکر اسٹنٹس پیش کرتا ہے بلکہ ہاتھیوں کے اوپر بغیرکسی سہارے کے کھڑے ہو کر اپنا توازن بھی برقرار رکھتا ہے کہ دیکھنے والے حیران رہ گئے۔ دوہاتھیوں کے درمیان میں سونڈ پر کھڑے ہو کر قلابازیاں لگاتا یہ نوجوان ہینڈ اسٹینڈ ٹرک پیش کرتے ہوئے توازن کا ایسا مظاہرہ پیش کرتا ہے کہ کیا مجال جو لڑکھڑا جائے۔ صرف یہی نہیں بلکہ اسپلٹ اسٹنٹ کے دوران ایک ٹانگ ایک ہاتھی پر اور دوسرے ہاتھی پر رکھ کر پر سکون انداز میں بیٹھ جاتا ہے۔ کیوں جناب ایسی مہارت ہو گی کسی میں۔