قاہرہ، اسلام آباد(اصغر علی مبارک) وفاقی وزیر مذہبی امور سردار محمد یوسف نے مصر میں ڈاکٹر احمد طیب سے ملاقات کے دوران الازھر یونیورسٹی کی علمی خدمات کو سراہتے ہوئے کہا کہ الازھر وہ اہم ادارہ ہے جو اسلام کی حقیقی تصویر دنیا کے سامنے پیش کر رہا ہے ، الازھر ایک ہزار سال سے امت مسلمہ کا متفقہ ادارہ ہے ، اسے ہمیشہ احترام کی نظر سے دیکھا گیا ہے اور دیکھا جاتا رہے گا ۔
شیخ الازھر ڈاکٹر احمد طیب نے وفاقی وزیر برائے مذہبی امور کو خوش آمدید کہتے ہوئے انکی وزارت کے تحت ہونے والی کاموں کی تعریف کی اور کہا پاکستان نے دہشت گردی پر قاپو پانے میں کامیابی حاصل کر لی ہے ، مصر اور پاکستان کا مشترکہ دشمن انتہا پسندی اور دہشت گردی ہے ، اب دونوں ملک مل کر اس دشمن کے خلاف جہاد کریں گے
شیخ الازھر وفاقی وزیر کی آمد پر خوش امدید کہا اور پاکستان کے لئے پچاس سکالر شپ دیئے اور مزید کہا کہ وزارت مذہبی امور اس علمی کام کو سر انجام دے ، انہوں نے علماء کے تربیتی کورسز اور اسلام آباد میں ایک لیگوینج سنٹر کھولنے کا بھی عندیہ دیا اور کہا کہ یہ سارے اقدامات وفاقی وزیر برائے مذہبی امور سردار محمد یوسف کی مصر آمد
کے حوالے سے کیے جا رہے ہیں ، آئندہ دینی سکالر شپ پاکستانی وزارت مذہبی امور کے تحت انجام پائیں گے تا کہ پاکستان سے طلبہ بی آسانی الازھر میں تعلیم حاصل کر سکیںوفاقی وزیر نے اس ملاقات پر شیخ الازھر کا شکریہ ادا کرتے ہوئے کہا کہ اس تعلیمی پروگرام سے جہاں دونوں ملکوں کے تعلقات مستحکم ہونگے وہاں دہشت گردی اور انتہا پسندی پر قاپو پانے میں بھی مدد ملے گی
