لالہ موسیٰ( نمائندہ خصوصی) چوہدری محمد آصف گورسی کی رہائش گاہ پر چوہدری قمر زمان کائرہ امیدوار قومی اسمبلی حلقہ این اے 70 میں 21 جولائی بروز ہفتہ شام چھ بجے بمقام چیچیاں میں جلسہ عام منعقد ہوگا۔ جس سے چوہدری قمرالزماں کائرہ کے ساتھ ساتھ ان کے پاکستان پیپلز پارٹی کے دیگر عہدیدار خطاب فرمائیں گے ، اس موقع پر گورسی برادران نے چوہدری قمرالزماں کائرہ کی آمد کے انتظامات کے بارے میں گفتگو کرتے ہوئے کہا کہ چوہدری قمر الزماں کائرہ عوام کا درد دل رکھنے والے راہنما ہیں ان کا شایان شان استقبال کیا جائیگا اور ان کو علاقے کے مسائل اور عوام کے مطالبات پر تفصیلی تبادلہ خیال کیا جائیگا۔ اس موقع پر انہوں نے تمام اہلیان علاقہ سے شرکت کی اپیل کی اور کہا کہ پاکستان پیپلز پارٹی عوامی جماعت ہے اور عوام کے دکھ درد کیلئے آواز اٹھاتی آئی ہے۔انہوں نے کہا کہ جلسہ عام میں بڑی تعداد میں عوام کی شرکت یقینی بنائی جائیگی اوراس کیلئے انتظامات کو حتمی شکل دی جارہی ہے۔
