لاہور: لاہور، فیصل آباد، ملتان، سرگودھا سمیت جنوبی پنجاب اور بلوچستان اور خیبر پختونخواہ میں آئندہ دو روز تک اکثر مقامات پر جبکہ اسلام آباد، بالائی پنجاب، شہید بینظر آباد، سکھر، لاڑکانہ، کراچی، حیدرآباد، ڈویژن میں چند مقامات پر تیز ہواوں، آندھی اور گرج چمک کے ساتھ بارش اور بعض مقامات پر زالہ باری کا بھی امکان ہے۔

اس دوران مکران، قلات، ڑوب، کوئٹہ ڈویژن میں بعض مقامات پر درمیانی اور چند مقامات پر موسلا دھار بارش کا بھی امکان ہے۔ محکمہ موسمیات کے مطابق موسلا دھار بارش کی وجہ سے آئندہ چار روز کے دوران مکران، کوئٹہ، ڑوب، ڈی جی خان ڈویژن میں مقامی ندی نالوں میں طغیانی کا امکان جبکہ منگل اور بدھ کے دوران مالاکنڈ، ہزارہ ڈویژن، گلگت بلتستان اور کشمیر میں لینڈ سلائیڈنگ کا بھی خدشہ ہے۔ محکمہ موسمیات کے ماہرین نے کہا ہے کہ کاشتکار حضرات کے لئے اطلاع ہے کہ آئندہ پانچ روز کے دوران پنجاب، خیبر پختونخوا، بلوچستان، سندھ، کشمیراور گلگت بلتستان کے مختلف علاقوں میں متوقع آندھی، بارش اور ژالہ باری کے پیشِ نظر اپنی فصلوں کی حفاظت کے لیئے احتیاطی تدابیر اختیار کریں۔ گزشتہ 24 گھنٹوں کے دوران خیبر پختونخوا، پنجاب، کشمیر، گلگت بلتستان، کوئٹہ، قلات، ڑوب, مکران اور سبی ڈویژن میں کہیں کہیں پر تیز ہواوں، آندھی اور گرج چمک کیساتھ بارش ہوئی۔ سب سے زیادہ بارش خیبر پختونخوا: اپر دیر 20،میر کھانی 13، چترال 10، کالام، دروش 9، بالا کوٹ 7، کاکول 6، سیدو شریف، پارہ چنار 5، بنوں 4، ڈی آئی خان 2، لوئیر دیر، مالام جبہ ، پٹن 1، کشمیر: گڑھی دوپٹہ 15،مظفرآباد 10، راولاکوٹ 4، پنجاب کے خانیوال 8، ساہیوال 7، ملتان 5، لیہ 3، جھنگ 1، بلوچستان کے زوب 14، کویٹہ 6، خضدار، گودار 2، پسنی 1، گلگت بلتستان کے بگروٹ، چلاس، ہنزاہ 2 اور سکھر دو میں 1 ملی میٹر بارش ریکارڈ کی گئی۔ اتوار کے روز لاہور، سرگودھا راولپنڈ ی ڈویژن سمیت پنجاب کے دیگر اضلاع سمیت کوئٹہ، زوب، مکران، قلات ڈویژن میں اکثر مقامات پر جبکہ سبی، نصیر آباد، ڈی آئی خان، ڈی جی خان، بنوں میں کہیں کہیں پر اور شہید بینظرآباد، سکھر، لاڑکانہ، کراچی، مالا کنڈ، میں بعض مقامات پر تیز ہواوں آندھی اور گرج چمک کے ساتھ بارش اور بعض مقامات پر زالہ باری بھی ہوئی۔