لاہور(ویب ڈیسک) شاہدرہ میں ناخلف سنگدل بیٹے نے ماں کو کلہاڑیوں کے وار سے لہو لہان کردیا۔ نجی ٹی وی چینل کے مطابق لاہور کے علاقے شاہدرہ میں ناخلف بیٹے نے ماں پر کلہاڑی کی مدد سے بہیمانہ تشدد کیا اور کلہاڑیوں کے پے در پے وار سے ماں کو لہولہان کر ڈالا۔ خبر ملتے ہی ڈولفن پولیس کے اہلکار موقع پر پہنچ گئے اور ماں پر تشدد کرنے والے نوجوان کو حراست میں لے لیا۔ ڈولفن ذرائع کے مطابق ظالم بیٹے کے ماں پر کلہاڑیوں سے وار کی خبر ملتے ہی اسکواڈ موقع پر پہنچ گیا اور ماں کو زخمی کرنے والے ملزم کو حراست میں لیا تو ماں کی ممتا جاگ اٹھی اور اس نے کہا کہ میرے بیٹے کو کچھ نہ کہیں۔ زخمی ماں نے اپنے بیٹے کے خلاف کسی قسم کی قانونی کارروائی سے بھی انکار کیا اور اس نے منت سماجت کرکے بیٹےکو چھڑوا لیادوسری جانب ایک اور خبر کے مطابق ٹنڈو یوسف کے رہا ئشی محمد اعظم نے کہا ہے کہ جائیداد پر قبضہ کرنے والے بھائیوں کے خلاف کارروائی کرکے تحفظ فراہم کیاجائے۔وہ اپنی والدہ رانی کے ہمراہ حیدرآباد پر یس کلب میں پر یس کانفرنس کررہے تھے۔انہوں نے کہاکہ 13 سال قبل والد فوت ہو چکے ہیں۔ والد کے انتقال کے بعد والدہ رانی نے زین العابدین عر ف فرحان شیخ نا می شخص سے شادی کر لی تھی جس سے دو بیٹے ہیں۔ زین العابد ین ایک جر ائم پیشہ شخص ہے جو جیل بھی جا چکا ہے۔میر ے سوتیلے والد نے گنجو ٹکر میں واقع میر ے حقیقی والد کی جا ئیداد پر قبضہ کرکے کاغذات اپنے نا م کر وانے کیلئے دبا ؤ ڈال رہا ہے اور انکار کر نے پر ہمیں سنگین نتا ئج کی دھمکیاں دے رہا ہے۔