لاہور( مانیٹرنگ ڈیسک) مسئلہ کشمیر، پچھلے کئی دہائیوں سے ایسا موضوع ہے جس پر جتنے بھی الفاظ سے لکھا جائے کم ہے، اور جس طرح بھارتی فوج نہتے کشمیریوں کو ظلم و بربریت کا نشانہ بنا رہی ہے دنیا میں ایسی مثال شاید ہی کوئی ملے۔ دو روز قبل برصغیر کی تاریخ کا سیاہ ترین فیصلہ کیا گیا جس میں بھارتی سرکار کی جانب سے مقبوضہ کشمیر کی آئینی حیثیت کو ختم کر دیا گیا جس کے بعد پوری دنیا میں ایک نئی تشویش کی لہر دوڑ چکی ہے۔ ایسے میں پاکستان کی جانب سے بھی سخت ترین رد عمل دیا جارہا ہے لیکن روایتی حریف اس سارے معاملے کا ذمہ ڈار اور قصور وار عمران احمد خان نیاز جو کہ اس وقت پاکستان کے وزیر اعظم ہیں، کو ٹھہرا رہے ہیں، خاص طور پر مسلم لیگ ن کے رہنماء بالخصوص مریم نواز، پیپلز پارٹی کے بھی کچھ رہنماء اور مولانا فضل الرحمان جو کہ کشمیر امن کمیٹی کی سربراہی پر کئی عرصہ براجمان رہے ، وہ بھی مسئلہ کشمیر حل نہ ہونے کا ذمہ دار عمران خان کو ٹھہر رہے ہیں۔ بھارتی فیصلے پر رد عمل دیتے ہوئے مولانا فضل الرحمان نے کہا کہ کشمیر کو عمران خان نے ٹرمپ کے آگے بیچ دیا ہے۔ مولانا کا یہ بیان سامنے آتے ہی وینا ملک جو آج کل سوشل میڈیا پر کافی متحرک رہتی ہیں، انہیں نے بھی رد عمل دیا اور مولانا کو آڑھے ہاتھوں لے لیا ہے۔ مولانا فضل الرحمان کے بیان پر جوابب دیتے ہوئے وینا ملک نے سماجی رابطوں کی ویب سائٹ ٹوئیٹر پر پیغام چھوڑتے ہوئے کہنا تھا کہ ’’ مولانا فضل الرحمان کہہ رہا ہے عمران خان نے کشمیر ٹرمپ کو بیچ دیا دنیا میں آج تک وہ نوٹ ہی نہیں بن سکا جو عمران خان کی خودرای کو خرید سکے، عمران خان کو دنیا کی کسی چیز سے خریدا نہیں جا سکتا .عمران خان انمول ہیرا ہے‘‘۔