بھارتی جارحیت سے جدوجہد آزادی کشمیر کو مزید تقویت ملے گی، بھارتی کالے قوانین کی کوئی حیثیت نہیں، چوہدری عبدالرحمن تارڑ

پیرس؍اسلام آباد( ایس ایم حسنین) اوورسیز یونٹی فرانس کے نائب صدر چوہدری عبدالرحمن تارڑ نے پیرس میں صحافیوں سے بات چیت کرتے ہوئے کہا کہ بھارتی حالیہ جارحیت خطے کے امن کیلئے نقصان دہ ہے کیونکہ کشمیری اپنی آزادی پرکوئی سمجھوتہ نہیں کرینگے اور ان جارح اقدامات سے آزادی کی جدوجہد کو مزید تقویت مل رہی ہے اورانشااللہ آزادی  کے حصول تک یہ جدوجہد جاری وساری رہے گی۔

انہوں نے کہا کہ کشمیرکے ایشو کو اقوام متحدہ کی قراردادوں کے مطابق حل کیا جائےاس کے سوا اس کا کوئی حل بھی خطے کے عوام کیلئے قابل قبول نہیں ہوگا ۔

انہوں نے کہا کہ بھارت کے ناپاک ارادوں کو ناکام بنانے کے لئے پوری پاکستان قوم متحد اور تیار ہے اگر ہمارا دشمن سمجھتا ہے کہ اس کے اوچھے ہتھکنڈوں سے کشمیریوں کی آزادی کی حق خوددرایت کی آواز دبائے جاسکتی ہے تو یہ اس کی غلط فہمی ہے بھارت کے کالے قانون کی کوئی حیثیت نہیں اور اب پوری دنیا نے بھارت کا مکروہ چہرہ دیکھ لیاہے