اسلام آباد ( نیوز ڈیسک ) وزیر ریلوے شیخ رشید نے کہا ہے کہ ملک میں جمہوریت کی بہتری کی فضا شروع ہو چکی ہے۔سروسز ایکٹ ترمیمی بلز قومی اسمبلی سے منظور ہونے پر وزیر ریلوے شیخ رشید احمد نے ردعمل میں کہا کہ تمام سیاسی جماعتوں نے انتہائی ذمہ داری کا مظاہرہ کیا

پاکستان کے معروف سوشل میڈیا ماڈل ، ٹک ٹاک اسٹار کے انتقال کی خبر

اور اب ملک میں جمہوریت کی بہتری کی فضا شروع ہو چکی ہے۔ان کا کہنا تھا کہ میں نے دو ماہ پہلے ہی بتا دیا تھا کہ پیپلز پارتی اور ن لیگ بل میں ترمیم کیلئے ووٹ دیں گی ۔ آج ساری قوم پاک فوج کے ساتھ کھڑی ہے یہ ایک خوش آئند بات ہے، اپوزیشن پارٹیوں نے بل کی حمایت کرکے قومی ذمے داری کا ثبوت دیا ہے اس عمل میں ملک میں جمہو ریت مزید مضبوط ہو گی ۔ واضح رہے کہ قومی اسمبلی میں تینوں مسلح افواج کے سربراہان کی مدت ملازمت میں توسیع سے متعلق سروسز ایکٹ ترمیمی بلز کثرت رائے سے منظور کرلیے گئے۔ بل کے حق میں حکومتی اتحاد کے علاوہ (ن) لیگ اور پیپلز پارٹی نے ووٹ دیا جبکہ جے یوآئی اور جماعت اسلامی فاٹا کے سابق ارکان نے احتجا جی واک آؤٹ کیا۔دوسری جانب وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ قومی اسمبلی میں آرمی ایکٹ ترمیمی بل کی منظوری کے معاملے پر اپوزیشن جماعتوں نے حب الوطنی کا مظاہرہ کرتے ہو ئے ملک دشمن قوتوں کے ارادوں کو خاک میں ملا دیا،سیاسی جماعتوں نے اہم قانون سازی میں بردباری دکھائی ۔ قومی اسمبلی کے باہر میڈیا سے بات کرتے ہوئے فردوس عاشق اعوان نے کہا کہ سیاسی معاملات پر اختلافات رائے جمہوریت کا حسن ہے، سیاسی حریف ایک دوسرے پر تنقید کرتے رہتے ہیں لیکن وقت آنے پر تمام سیاسی جماعتیں قومی مفاد کو ترجیح دیتی ہیں۔ سیاسی جماعتوں نے اہم قانون سازی میں بردباری دکھائی۔ پیپلزپارٹی نے اپنی تمام تجاویز واپس لے کر حب الوطنی کا ثبوت دیا۔انہوں نے کہا کہ کرپشن سے پاک ماحول مہیا کرنا اولین قومی مفاد ہے، احتساب ملک اور قوم کی ضرورت ہے، یہ پاکستان کی طاقت اور قومی مفاد کا معاملہ ہے، آئینی اور قانونی طریقے سے کام کرنا حکومت کے فرائض میں شامل ہے، بیگناہ افراد کو احتساب سے ڈرنے کی ضرورت نہیں، عمران خان اداروں میں اصلاحات کا ایجنڈا لے کرآئے ہیں، عوامی مفاد میں قانون سازی جمہوریت کا حسن ہے، اپوزیشن کی تجاویز قومی مفاد میں ہوئیں توحکومت کواعتراض نہیں، انہو ںنے مزید کہا کہ اداروں کو مضبوط کر نا حکومت کی ذمہ داری ہیں اداروں سے کر پٹ پر یکسز کا خاتمہ بھی قومی سکیو رٹی کا پہلو ہے اداروں کو کام کر نے کے لئے طاقت اسی پا رلیمنٹ نے دی ہے حکومت اداروں کو مضبوط کر نے کا کا م کر تی رہے گی ۔