اسلام آباد(ایس ایم حسنین) ہم نے گلگت بلتستان میں شفاف انتخابات کی بنیاد رکھ دی ہے۔ عوام نے ن لیگ کے بیانیے کو مسترد کردیا۔ وزیرخارجہ شاہ محمود قریشی نے مختلف تقریبات سے خطاب میں کہا کہ شاہ محمود قریشی نے یہ بھی کہا کہ پی پی اور ن لیگ دونوں کی عوامی مقبولیت کی قلعی کھل گئی اور عوام نے دونوں جماعتوں کو بری طرح مسترد کیا۔ الیکشن میں بھر پور دلچسپی لینے پر عوام کو خراج تحسین پیش کرتے ہیں۔ وزیر خارجہ نے کہا کہ گلگت بلتستان میں ہم نے شفاف انتخابات کی بنیاد رکھ دی ہے، گلگت الیکشن میں عوام نے ن لیگ کے بیانیے کو مسترد کیا۔ وزیر خارجہ کا کہنا تھا کہ گلگت بلتستان الیکشن میں امن وامان مثالی تھا، پولنگ کے روز شدید برف باری کے باوجود ٹرن آﺅٹ ٹھیک رہا جبکہ عوام کی کثیر تعداد لائنوں میں لگ کر ووٹ دیتے دکھائی دیئے۔ وزیر خارجہ نے کہا کہ پی ڈی ایم غیر ملکی ایجنڈے پرعمل پیرا ہے جو ملک میں افراتفری و انتشار پھیلانا چاہتی ہے۔ شاہ محمود قریشی نے یہ بھی کہا کہ پی ایم ڈی جماعتوں کا اتحاد غیر فطری ہے جبکہ پی ڈی ایم رہنماﺅں کے بیانیے ونظریات ایک دوسرے سے مختلف ہیں۔ وزیر خارجہ مخدوم شاہ محمود قریشی نے کہا ہے کہ مہنگائی گرانفرشی موجودہ حکومت کا نہیں بلکہ سابق حکومت کا تحفہ ہے۔ وزیر خارجہ مخدوم شاہ محمود قریشی نے مزید کہا کہ کورونا کی دوسری لہر آچکی ہے جس کی شدت پہلے کی نسبت زیادہ ہے، عوام احتیاط کا دامن ہاتھ سے نہ چھوڑیں جس حد تک ہو سکے سماجی فاصلہ، ماسک ودیگر احتیاطی تدابیر پر عمل کریں۔ہم نیوز کے مطابق پاکستان تحریک انصاف سے تعلق رکھنے والے وزیر خارجہ مخدوم شاہ محمود قریشی نے کہا کہ گلگت الیکشن میں عوام نے ن لیگ کے بیانیے کو مسترد کردیا۔