Supreme Court
اسلام آباد (جیوڈیسک) تیسرا دن بھی شروع ہوگیا حکومت جوڈیشل کمیشن کیلئے سپریم کورٹ کو خط لکھنے کا فیصلہ نہ کر پائی، قانونی پیچیدگیوں پر غور جاری ہے۔
تحریک انصاف سے معاہدے کے بعد جوڈیشل کمیشن کے قیام کیلئے صدارتی آرڈیننس جمعے کی سہ پہر جاری کیا گیا تھا۔ آرڈیننس میں کہا گیا تھا کہ حکومت اگلے 72 گھنٹوں میں کمیشن بنانے کیلئے سپریم کورٹ کو خط لکھے گی لیکن ابھی تک اس حوالے سے کوئی فیصلہ نہیں ہو سکا۔
ذرائع نے یمن کی صورتحال پر پارلیمنٹ کے مشترکہ اجلاس کے باعث خط میں مزید تاخیر کا خدشہ بھی ظاہر کیا ہے۔
