Malik Munir Ahmad

پیرس (اشفاق احمد چودھری) سپریم کورٹ کی جانب سے تمام وفاقی اداروں کو اپنی پالیسیاں اور قوانین کا ترجمہ اردو میں شائع کرنے کے حکم کو مستحسن قرار دیتے ہوئے ملک منیر احمد کہا کہ اردو عوامی زبان ہے اور قوانین و پالیسیوں کی اردو میں اشاعت سے عام آدمی کو انہیں سمجھنے اور ان پر عمل پیرا ہونے میں آسانی ہو گی۔

پی پی پی فرانس کے رہنما نے سپریم کورٹ کے حکم کو سراہتے ہوئے کہا کہ وزیراعظم کے حکم پر تمام سرکاری دستاویزات اور فارم کی اردو میں پرنٹنگ‘ سرکاری ویب سائٹس کی اردو میں منتقلی اور صدر مملکت ‘ وزیراعظم و وفاقی وزراءکے اندرون و بیرون ملک اردو میں تقاریر کے علاوہ قومی و صوبائی اسمبلی اور سینیٹ کے اجلاس کاروائی بھی اردو میں قلمبند ہونی چاہئے اور ان اداروں میں تمام لوگوں کو اردو میں تقاریر پر بھی پابند کیا جانا چاہئے۔

انہوں نے پاکستان کو شنگھائی تعاون تنظیم کی مستقل رکنیت ملنے پر عوام کو مبارکباد پیش کرنے کے علاوہ تحریک آزادی کشمیر کے بانی اور سابق صدر آزاد کشمیر سردار عبدالقیوم خان اورسابق وزیراعظم یوسف رضا گیلانی کی ہمشیرہ کے انتقال پر بھی اظہار افسوس کیا۔