پیرس (یس ڈیسک ) پاکستان پپلزپارٹی کے چئرمین بلاول بھٹو زرداری نے پاکستان پپلزپارٹی کے سابق سیکریٹری جنرل شیخ رفیق احمد کے بیٹے شیخ عتیق احمد کے انتقال پر انتہائی افسوس کا اظہار کیا ہے،شیخ عتیق احمد آج صبح لاہور میں انتقال کر گئے ہیں،
شیخ عتیق احمدنے جنرل ضیاء کے ڈکٹیٹرشپ میں دوران قید بڑی تکلیفیں اور تشدد برداشت کیا جس کی وجہ سے وہ نفسیاتی اور شگر کے امراض میں مبتلا ہوگئے تھے اور وہ ہی امراض انہیں موت کی طرف لے گئے۔
بلاول بھٹو زرداری نے کہا کہ شیخ عتیق احمدجیسے کارکن جیالوں کے لیے مشعل راہ کے طور پر ہمیشہ یاد رہیں گے جنہوں نے ملک کے مظلوم اورمحروم لوگوں کے حقوق کی حاصلات اور جمہوریت کی بحالی کے لیے اپنی جانوں کے نذرانے پیش کیے،
پاکستان پپلزپارٹی کے چئرمین نے مرحوم شیخ عتیق احمد کو خراج عقیدت پیش کرتے ہوئے سوگوار خاندان سے تعزیت کا اظہار کیا ہے اور دعا کی ہے کہ اللہ تعالیٰ مرحوم کو جنت الفردوس میں جگہ دئے اور سوگوار خاندان کو صبر و جمیل کی توفیق عطا فرمائے۔
