Narendra Modi

دبئی : بھارتی وزیر اعظم نریندرا مودی نے کہا ہے کہ اچھی یا بری دہشت گردی اور اچھے یا برے طالبان اب مزید نہیں چلیں گے بلکہ اب وقت آگیا ہے کہ دہشت گردی کے خلاف دنیا حتمی جنگ کرے۔

دبئی میں بھارتی کیمونٹی سے خطاب کرتے ہوئے نریندر مودی کا کہنا تھا کہ جو لوگ دہشت گردی میں ملوث ہیں انہیں سخت سزا دی جائے جب کہ دنیا کو یہ طے کرنا ہوگا کہ انہیں ان لوگوں کےساتھ رہنا ہے جو دہشت گردی کے حمایت کرتے ہیں یا ان کے خلاف جانا ہے۔

ان کا کہنا تھا کہ وہ پڑوسی ممالک کے ساتھ اچھے مضبوط دوستانہ تعلقات قائم کرکے بھارت کو ترقی کی نئی بلندیوں پر لے جائیں گے۔

بھارتی وزیر اعظم کا کہنا تھا کہ وہ مستقبل میں دبئی کو منی بھارت کے روپ میں دیکھ رہے ہیں جس کا کریڈٹ یہاں کام کرنے والے بھارتیوں کو جاتا ہے۔