James Bond

لندن : برطانوی ادیب ایان فلیمنگ کا تخلیق کیا ہوا کردار جیمز بانڈ بننا اتنا آسان نہیں، جیمز بانڈ بننے کے لیے کن خصوصیات کی ضرورت ہوتی ہے، پکی عمر اور چھ فٹ قد رکھنے والا جیمز بونڈ مضبوط جسم کا حامل ہوتا ہے۔

سوٹڈ بوٹڈ جیمز بانڈ کی مارشل آرٹ میں مہارت بھی ضروری ہے۔ اپنے دشمن پر قہر بن کر ٹوٹنے والا جیمز بانڈ دشمن کے آگے فولاد کی طرح ڈٹ جاتا ہے ۔ حالات کیسے بھی ہوں جیمز بانڈ کے آگے ریت کی دیوار ہیں۔

جدید ٹیکنالوجی اور اسلحہ چلانے کا ماہر جیمز بانڈ پلان بی پہلے ہی سے تیار رکھتا ہے۔ جاسوسی کی دنیا کا یہ بادشاہ معاملہ فہم ہونے کے ساتھ ساتھ اچھی یادداشت کا بھی مالک ہے ۔ حالات حاضرہ سے باخبر جیمز بانڈ کو مہم جو بھی ہونا چاہئیے۔