Abu Dhabi Test
ابوظہبی : شیخ زید اسٹیڈیم ابوظہبی میں پاکستان نے ٹاس جیت کر بیٹنگ کا فیصلہ کیا۔ شان مسعود صرف دو رنز بنا کر اینڈرسن کی گیند پر بولڈ ہوئے۔ شعیب ملک اور محمد حفیظ نے دوسری وکٹ کی شراکت میں ایک سو اڑسٹھ رنز جوڑے۔ محمد حفیظ اٹھانوے رنز بنا کر نروس نائنٹیز کا شکار ہوئے۔
پانچ سال کے بعد قومی ٹیم میں واپس آنے والے شعیب ملک نے شاندار بیٹنگ کا مظاہرہ کرتے ہوئے سنچری سکور کی۔
ریکارڈ بریکر یونس خان اڑتیس رنزبنا کر پویلین لوٹے۔ تین رنز بنانے والے پاکستانی کپتان مصباح الحق امپائر کے متنازعہ فیصلے کا شکار ہوئے۔
