Chief Minister said that a state witness described the aatrany: Siraj

جماعت اسلامی پاکستان کے امیر سینٹر سراج الحق نے کہا ہے کہ وزیر اعلیٰ سندھ کا بیان ایک سلطانی گواہ کا اعترانی بیان ہے، انہوں نے دل کی بات زبان پر لا کر اسٹیٹس کو کی نمائندگی کا حق ادا کر دیا ہے۔
لاہور: (یس اُردو) لاہور سے جاری کئے جانے والے بیان میں امیر جماعت اسلامی سراج الحق نے کہا ہے کہ کرپشن کا خاتمہ بڑے مگر مچھوں پر ہاتھ ڈالنے ہی سے ہو گا، بڑوں کی کرپشن کے محلات اندھوں کو بھی نظر آتے ہیں مگر نیب کو دکھائی نہیں دے رہے۔ سراج الحق نے کہا کہ چند مغل شہزادے اور مفاد پرست ٹولہ مخلص کارکنوں کی قربانیوں کا پھل کھا رہا ہے، اور سرکاری عہدوں کو ذاتی مفادات کے حصول کا ذریعہ بنانے والے ملک و قوم سے خیانت کر رہے ہیں۔ امیر جماعت اسلامی کا کہنا تھا کہ الیکشن اصلاحات کے بغیر انتخابات اسٹیٹس کو کے تسلسل کا ذریعہ بنتے ہیں اور پاکستان میں سیاست اصولوں کے بجائے گھنٹہ گھر کے گرد گھومتی ہے۔