Ayaz confusion and fraud confession: Aleem Khan

تحریک انصاف کے این اے 122 لاہور سے امیدوار علیم خان نے کہا ہے کہ ایاز صادق کی پریس کانفرنس بوکھلاہٹ کا نتیجہ اور دھاندلی کا اعتراف ہے، عمران خان الیکشن کمیشن کی نااہلی کا کیس لڑ رہے ہیں، ایاز صادق حقیقت کا سامنا کرنے کی بجائے کھلی دھمکیوں پر اتر آئے ہیں۔
لاہور: (یس اُردو) اسپیکر قومی اسمبلی سردار ایاز صادق کی میڈیا سے گفتگو کے ردعمل میں علیم خان کا کہنا تھا کہ این اے 122 کے کیس کا فیصلہ دوبارہ بھی تحریک انصاف کے حق میں ہی آئے گا، ایاز صادق کے رونے سے لگتا ہے کہ وہ ہیٹ ٹرک مکمل ہونے سے خوفزدہ ہیں۔ انہوں نے مزید کہا تحریک انصاف کا دھاندلی کے حوالے سے پہلے بھی مؤقف درست تھا، اور اب تیسر ی بار این اے 122 میں بھی یہی مؤقف سچ ثابت ہو گا، علیم خان کا کہنا تھا کہ ایاز صادق نے الیکشن کمیشن اور نادرا سے ملکر این اے 122 کے ووٹرز کے ووٹ، ووٹر لسٹوں سے دوسرے علاقوں میں منتقل کئے۔