Pakistan Super League schedule

لاہور……آئندہ ماہ فروری میں ہونے والی پاکستان سپر لیگ کے شیڈول کا اعلان کردیا گیا ہے۔ افتتاحی میچ کوئٹہ اور اسلام آباد کے درمیان کھیلا جائے گا، فائنل تک رسائی کیلئے سیمی فائنلز کے بجائے تین پلے آف ہوں گے۔
شیڈول کے مطابق پی ایس ایل میں 4سے 23فروری تک شارجہ اور دبئی میں مجموعی طور پر 24میچز ہوں گے۔ پہلا میچ دبئی میں اسلام آباد اور کوئٹہ کی ٹیموں کے درمیان ہوگا۔دوسرے روز دو میچز ہوں گے جس میں لاہور کا مقابلہ کراچی اور پشاور کا میچ اسلام آباد سے ہوگا۔
فارمیٹ کے مطابق پی ایس ایل میں سیمی فائنلز کےبجائے تین پلے آف کھیلے جائیں گی، پلے آف میں پہلی دو پوزیشن میچ ون میں مدمقابل آئیں گی جبکہ تیسرے اور چوتھے نمبر کی ٹیمیں میچ ٹو میں مقابلہ کریں گی۔پہلے پلے آف کی ناکام اور دوسرے پلے آف کی کامیاب ٹیمیں میچ تھری میں مقابلہ کریں گی، ایونٹ کا فائنل پلے آف ون اور پلے آف تھری کی فاتح ٹیموں کے درمیان 23فروری کو ہوگا۔