Sri Lanka defeated New Zealand to win

ہیملٹن……….نیوزی لینڈ اور سری لنکا کے درمیان جاری 2میچوں پر مشتمل ٹیسٹ سیریز کے دوسرے اور آخری ٹیسٹ میں میزبان کیوی ٹیم نے سری لنکن ٹیم کو 5وکٹوں سے شکست دے کر سیریز 0-2سے اپنے نام کرلی ہے۔
میچ کے چوتھے روز کیویز ٹیم نے اپنی دوسری اننگز دوبارہ آغاز کیا ،تو اس کو جیت کے لیے صرف 47رنز درکار تھے۔ٹیم نے کوئی وکٹ ضائع کیے بغیرمطلوبہ ہدف حاصل کر لیا،اس جیت میں کین ولیمسن نے شاندار 108رنزاسکورکر کے اہم کردار ادا کیا اور ٹیم کو فتح سے ہمکنار کرایا۔مہمان لنکن ٹیم کی جانب سے دوسری اننگز میں دشمانتھا چمیرا نے 4وکٹیں حاصل کیں۔کین ولیمسن اس کارکردگی مین آف دی میچ قرار پائے۔
اس سے پہلے میچ لنکن ٹیم نے اپنی پہلی اننگز میں 292رنز اسکور کیے تھے،جبکہ ٹم سائوتھی نے 3وکٹیں حاصل کی تھیں۔کیوی ٹیم اپنی پہلی اننگز میں 237رنز پر آئوٹ ہوگئی تھی اور لنکن بولر دشمانتھاچمیرا نے 5وکٹیں حاصل کی تھیں۔اپنی دوسری اننگز میں سری لنکن ٹیم اپنی 55رنز کی برتری پر کوئی اچھی کارکردگی نہ دکھا سکی اور پوری ٹیم 133رنز کے اسکور پر ڈھیر ہوگئی اور کیوی بولر سائوتھی نے 4کھلاڑیوں کو آئوٹ کیاتھا۔ٹیسٹ میچوں کی سیریز ختم ہونے کے بعد اب 26دسمبر سے 5ایک روزہ میچوں پر مشتمل سیریز کھیلی جائے گی ،جس کے بعد 2ٹی 20میچوں پر مشتمل سیریز 7جنوری سے ہوگی