visit to Pakistan, Lahore High Court
لاہور…..لاہور ہائی کورٹ میں نئے سال کی پہلی رٹ بھارتی وزیر اعظم نریندر مودی کے خلاف آ گئی۔بھارتی وزیر اعظم کی قیادت میں 120 افراد کے دورہ پاکستان کو لاہور ہائی کورٹ میں چیلنج کر دیا گیا ۔لاہور کے شہری منیر احمد کی جانب سے دائر درخواست میں موقف اختیار کیا گیا ہے کہ نریندرمودی سمیت120بھارتی مہمان غیرقانونی طریقےسےپاکستان آئے۔بھارتی وفد کوحکومت پاکستان کی جانب سے کسی قسم کا کوئی تحریری اجازت نامہ نہیں دیاگیاتھا ۔درخواست میں سول ایوی ایشن،امیگریشن حکام اور وفاقی وزارت داخلہ کو فریق بنایاگیاہے۔
