Slim TV introduced as wallpaper,

سیول…….جنوبی کوریا کی معروف کمپنی کی جانب سے ایسا ٹیلی وژن متعارف کرایا جا رہا ہے جسے کسی کاغذ کی طرح موڑ کر کہیں لے جایا بھی جا سکتا ہے۔کورین کمپنی اس لچکدار اسکرین کے حامل ٹی وی کو آئندہ ہفتے لاس ویگاس میں شیڈول سی ای ایس ٹیکنالوجی نمائش میں متعارف کرانے جا رہی ہے۔ یہ ٹی وی دیواروں پر لگائے جانے والے وال پیپر جتنا ہی پتلا ہوگا۔او ایل ای ڈی پینل پر مشتمل رول ایبل ٹی وی کا سائز 55 انچ ہوگا۔ اس ٹی وی کو رواں ماہ جنوری میں متعارف کرائے جانے کے بعد مارکیٹ میں فروخت کے لیے کب تک پیش کیا جاتا ہے اس بارے میں کچھ کہنا قبل از وقت ہے۔کمپنی کے ترجمان کے مطابق ایسے لچکدار ٹی وی کو فروخت کے لیے پیش کرنے میں کچھ ماہ یا سال بھی لگ سکتے ہیں۔ اس ٹیکنالوجی کو پہلے ایپل واچ، سام سنگ کے ایس سکس گلیکسی ایج اور ایل جی کے فلیکس فون میں استعمال کیا جا چکا ہے تاہم یہ پہلی بار ہے کہ کوئی ٹیلی وژن ایسے لچکدار فیچر کا حامل ہوگا۔