Ajmal Academy of Agricultural University

فیصل آباد…..فیصل آباد کی زرعی یونیورسٹی نے سعید اجمل اکیڈمی بنانے سے صاف انکار کردیا۔ سُپر اسٹار پر سنگین الزامات بھی عائد کرڈالے ۔سعید اجمل نے جنوری2013میں زرعی یونی ورسٹی فیصل آباد میں انٹرنیشنل کرکٹ اکیڈمی بنائی تھی، اکیڈمی کیلئےگراؤنڈ تیار کرکے اس میں کھلاڑیوں کا تربیت بھی شروع ہوچکا تھا ۔تاہم ایک سال قبل یونی ورسٹی انتظامیہ نے سیکیورٹی وجوہات کی بنا پر اچانک اکیڈمی بند کردی ۔ سعید اجمل نے اکیڈمی بند کئے جانے پر احتجاج کیا اور معاملات کو حل کرانے کیلئے انہوں نے وزیرقانون پنجاب سے بھی رابطہ کیا ،تاہم کوئی نتیجہ نہ نکلا۔اب زرعی یونیورسٹی انتظامیہ نے نہ صرف سعید اجمل اکیڈمی بنانے سے صاف انکار کردیا ہے بلکہ سُپر اسٹار پر سنگین الزامات بھی عائد کئے ہیں۔ یونی ورسٹی انتظامیہ کا کہنا ہے کہ سعید اجمل نے 350کھلاڑیوں سے 15 ہزار روپے فی کس ایڈوانس وصول کئے ، یہ رقم مجموعی طور پر 52 لاکھ 50 ہزار روپے بنتی ہے جس کا کوئی ریکارڈ یونی ورسٹی کو فراہم نہیں کیا گیا۔ انتظامیہ نے سعید اجمل پر یونیورسٹی کی زمین ہتھیانے کا الزام بھی عائد کیاہے۔