FIA raids in different arrested

ایف آئی اے نے مختلف شہروں میں چھاپے مار کر مزید چار انسانی اسمگلرز کو گرفتار کر لیا۔ چھاپے وزیر داخلہ چوہدری نثار کی ہدایت پر مارے گئے۔
لاہور: (یس اُردو) وزیر داخلہ چوہدری نثار کی ہدایت پر ایف آئی اے کے انسداد انسانی اسمگلنگ سیل لاہور نے کارروائی کرتے ہوئے گجرات میں چھاپہ مارا اور ناصر ارشد اور محمد عمر نامی دو انسانی اسمگلرز کو گرفتار کر لیا۔ ایف آئی کی ٹیم نے خفیہ اطلاع پر خوشاب میں بھی کارروائی کی اور انسانی اسمگلر علمدار حسین کو جبکہ ٹوبہ ٹیک سنگھ سے مظہر مشتاق کو گرفتار کر لیا۔ ایف آئی اے نے چاروں اسمگلرز کے خلاف مقدمہ درج کرتے ہوئے انہیں انسداد انسانی اسمگلنگ سیل کے حوالے کر دیا۔