Finance Minister

لاہور ……وزیر خزانہ اسحاق ڈار اپنا پاسپورٹ لاہور ایئرپورٹ پر بھول گئے، پی آئی اے کو پاسپورٹ ان تک پہنچانے کیلئے 20ہزار روپے خرچ کرنا پڑے ،ادارے کے ترجمان کا کہنا ہے کہ بعد ازاں رقم وزیر خزانہ نے پی آئی اے کو ادا کر دی۔
ذرائع کے مطابق وزیر خزانہ اسحاق ڈاراسلام آباد جا رہے تھے، دھند کے باعث پرواز لاہور اتارنا پڑی،وہ امیگریشن کرائے بغیر پاسپورٹ چھوڑ کر خود اسلام آباد چلے گئے۔ذرائع کے مطابق اسحاق ڈار نے پی آئی اے کے عملے کو پاسپورٹ اگلے روز صبح 6 بجے تک اسلام آباد بھجوانے کا کہا، پی آئی اے کو وزیر خزانہ اسحاق ڈار کا پاسپورٹ وزیراعظم ہاؤس بھجوانے کیلئے 20 ہزار روپے کی خصوصی ٹیکسی کرانا پڑی۔ترجمان پی آئی اے کے مطابق وزیر خزانہ کو ایران جانے کے لیے فوری پاسپورٹ چاہیے تھا، انہوں نے رقم اپنی جیب سے پی آئی اے کو ادا کر دی ہے۔