Mian Iqbal Mazhar

کھاریاں(نیئر صدیقی سے)اسسٹنٹ کمشنر کھاریاں میاں اقبال مظہر نے کہا ہے کہ صحافی معاشرے کی آنکھ کا درجہ رکھتے ہیں۔صحافیوں کی طرف سے انتظامیہ کی درست سمت میں رہنمائی اور مثبت تنقید سے عوامی مسائل حل کرنے میں مدد ملتی ہے۔ کھاریاں پریس کلب میں نومنتخب عہدیداروں کو مبارکباد دینے کی تقریب سے خطاب کرتے ہوئے انہوں نے کہا کہ کھاریاں کے صحافیوں نے ہمیشہ دوستانہ ماحول میں عوام کے مسائل کے حل کی کوشش کی ہے۔ انہوں نے نومنتخب صدر حاجی عبدالرؤف، جنرل سیکرٹری آفتاب احمد نذر، فنانس سیکرٹری جبار ساگر اور چیئرمین الیکشن بورڈ کلیم اللہ گیلانی کو ہار پہنائے اور مٹھائی کھلائی۔ تقریب سے سینیئر صحافی نصر اللہ چوہدری، نیئر صدیقی، لیاقت علی قادری اور دیگر نے بھی خطاب کیا۔