Lahore killed SHO post mortem

لاہور….لاہور کے علاقے ڈیفنس میں ڈکیتی مزاحمت پر قتل ہونے والے ایس ایچ او تجمل بٹ کی نماز جنازہ پولیس لائنز میں ادا کردی گئی۔ سی سی پی او لاہور کا کہنا ہے کہ ملزموں کوجلد گرفتار کرلیا جائے گا ۔
لاہور میں قتل ہونے والے ایس ایچ او شادباغ تجمل بٹ کی لاش پوسٹ مارٹم کے بعد ورثا کے حوالے کی گئی ، نمازجنازہ پولیس لائنز قلعہ گوجر سنگھ میں ادا کی گئی ۔نماز جنازہ میں سی سی پی او لاہور امین وینس ، ڈی آئی جی آپریشنز لاہور ڈاکٹر حیدر اشرف اور دیگر پولیس افسران اور اہلکاروں نے بڑی تعداد میں شرکت کی۔میڈیا سے گفتگو میں سی سی پی او لاہور امین وینس کا کہنا تھا کہ ملزموں کی گرفتاری کےلیے ٹیمیں بنادی گئی ہیں ،جلد قاتلوں تک پہنچ جائیں گے ۔