daughter Baloch

لیاری وار گینگ کے سرغنہ عزیر بلوچ کی بیٹی نے کہا ہے کہ میرے والد کو پیپلز پارٹی کے رہنماؤں سینیٹر یوسف بلوچ، فریال تالپور، شرمیلا فاروقی اور وزیراعلیٰ سندھ کے فون آتے رہتے تھے۔
کراچی: (یس اُردو) لیاری گینگ وار کے سرغنہ عزیر بلوچ کی بیٹی نے کہا ہے کہ میرے والد کو پیپلز پارٹی کے نام نہاد رہنماؤں نے استعمال کیا۔ نجی ٹی وی سے گفتگو کرتے ہوئے عزیر بلوچ کی بیٹی نے انکشاف کیا کہ میرے والد کو پیپلز پارٹی کے رہنماؤں نے اپنے مقاصد کے لیے استعمال کیا۔ انہوں نے کہا کہ سینیٹر یوسف بلوچ، فریال تالپور، شرمیلا فاروقی اور وزیراعلیٰ سندھ کے فون آتے رہتے تھے۔ انہوں نے بتایا کہ میرے والد کو انٹرپول نے دبئی سے 13 ماہ قبل گرفتار کیا تھا۔ رینجرز نے ہفتے کو ان کی گرفتاری ظاہر کی جس پر ہم رینجرز کے شکر گزار ہیں۔ عزیر بلوچ کی بیٹی کا کہنا تھا کہ میری وزیراعظم سے درخواست ہے کہ میرے والد کو تحفظ فراہم کیا جائے کیونکہ ان کی جان کو شدید خطرات لاحق ہیں۔