Cold and dry weather

اگلے دو دن کے دوران اسلام آباد اور کراچی سمیت ملک کے بیشتر علاقوں میں موسم سرد اور خشک رہے گا۔ گلگت میں بارش اور ہلکی برفباری جاری ہے۔
لاہور: (یس اُردو) محکنہ موسمیات کے مطابق اسلام آباد، راولپنڈی اور کراچی سمیت ملک کے بیشتر علاقوں میں اگلے دو دن تک موسم خشک اور سرد رہنے کا امکان ہے جبکہ بالائی علاقوں میں مطلع ابر آلود ہے۔ گلگت میں بارش اور ہلکی برفباری کا سلسلہ جاری ہے۔ کوئٹہ، زیارت اور قلات میں سردی کی لہر برقرار ہے درجہ حرارت نقطہ انجماد سے گر گیا۔ ملک کے میدانی علاقوں میں تین روز تک بارش کا امکان نہیں ہے۔ محکمہ موسمیات کا کہنا ہے کہ آئندہ چند روزہ کے دوران بیشتر علاقوں میں دن کے وقت درجہ حرارت میں بتدریج اضافہ متوقع ہے۔