middleman Lala Musa

لالہ موسیٰ(جمیل احمدطاہر) غلہ منڈی لالہ موسیٰ کے آڑھتی کے نوجوان بیٹے کو اغواء کے بعدقتل کردیاگیا،نعش بوری میں بندسرائے عالمگیرکے علاقہ سے ملی،ورثاء نے نعش سڑک پررکھ کرجی ٹی روڈ بلاک کردی، اس سلسلہ میں بتایاجاتاہے کہ غلہ منڈی لالہ موسیٰ کے آڑھتی سیٹھ ذوالفقاراحمد گل کا جوانسالہ بیٹامحمدوقاص گزشتہ شام گھرسے نکلا جب کافی دیرواپس نہ آیااور اس کا موبائل فون بھی بندپایاگیاتو والدین کو تشویش ہوئی انہوں نے سٹی پولیس کو بیٹے کی گمشدگی کی اطلاع دے دی ،ساری رات وہ اپنے طورپرتلاش بسیارکرتے رہے ،صبح انہیں پتہ چلاکہ تھانہ سرائے عالمگیرکو کھاریاں پبی سرکارکے علاقے سے لاوارث بوری بندنعش ملی تو ورثاء وہاں پہنچے تو وہ نعش ان کے بیٹے وقاص کی ہی تھی،نعش کو لالہ موسیٰ لاکرورثاء نے جی ٹی روڈ بلاک کردی جو دوگھنٹے تک بلاک رہی بعدازاں پولیس کے ساتھ مذاکرات کے بعدٹریفک کھول دی گئی ۔مقتول محمدوقاص کے قتل کا مقدمہ تھانہ سرائے عالمگیرمیں درج کرلیاگیا،لالہ موسیٰ وسرائے عالمگیرپولیس مصروف تفتیش ہے