Bugs Bunny

لاس اینجلس……بچوں کے پسندیدہ کارٹونز بگس بنی ،ڈیفی ڈگ،ٹوئٹی،سلویسٹر دی کیٹ کی آوازخاموش ہوگئی،ان کرداروں کو آواز دینے والے آرٹسٹ جو الاسکی چل بسے۔
شرارتی،نٹ کھٹ،حاضرجواب،ہنسی اور قہقہے بکھیرنےوالے لونی ٹونز کارٹونزسے کون واقف نہیں ،کل کے کئی بچے انہیں دیکھ دیکھ کر ہی بڑے ہوئے ہیں۔بگس بنی،ڈیفی ڈگ،ٹوئٹی،سلوسٹر دی کیٹ 8سے 80سال تک کے بچوں کے پسندیدہ کردار ہیں، لیکن ان کئی کرداروں کو آواز دینے والا وراسٹائل فنکار جو الاسکی اب اس دنیا میں نہیں رہا۔نیویارک میں پیدا ہونےوالے الاسکی سرطان کے مرض میں مبتلا تھے، ان کی عمر 63برس تھی،وارنر برادرز کے ساتھ کام کرنے سے پہلے الاسکی ریڈیو پر ایک مارننگ شو کرتے تھے،انہوں نے کئی دستاویزی فلموں کو اپنی آواز دی،الاسکی تواس دنیا میں نہیں رہے لیکن ان کا کام صدیوں تک آنے والے بچوں میں مسکراہٹیں بکھیرتا رہے گا۔