Pakistan announces squad

لاہور…..ایشیا کپ اور ورلڈ ٹی ٹوئنٹی کے لئے پاکستان ٹیم کا اعلان آج کیا جائے گا، امکان ہے کہ ڈومیسٹک سیزن میں اچھی پرفارمنس دینے پر کامران اکمل کو ٹیم میںشامل کیا جاسکتا ہے جبکہ فاسٹ بولر محمد عرفان ایک بار پھر ٹی ٹوئنٹی ٹیم کا حصہ نہیں ہوں گے۔
ذرائع کے مطابق ایشیا کپ ٹی ٹوئنٹی اور آئی سی سی ورلڈ ٹی ٹوئنٹی کےلئے ہارون رشید کی سربراہی میں قومی سلیکشن کمیٹی نے کپتان شاہد آفریدی اور کوچ وقار یونس سے مشاورت مکمل کرکے 15 کھلاڑیوں کے نام منتخب کرلئے ہیں ،جسے منظوری کے لئے پی سی بی چیئرمین شہریار خان کو بھیج دیا گیا ہے۔ذرائع کا کہنا ہے کہ انگلینڈ اور نیوزی لینڈ کے خلاف ٹی ٹوئنٹی سیریز میں مسلسل خراب پرفارمنس کا مظاہرہ کرنے والے محمد رضوان ، صہیب مقصود اور عمر گل کو ڈراپ کئے جانے کا امکان ہے ، پی ایس ایل میں اچھی بیٹنگ کی بدولت احمد شہزاد کو بھی اسکواڈ میں جگہ مل سکتی ہے، ون ڈے میچزمیں غیر معمولی کارکردگی کے بعدبابر اعظم کو بھی شامل کیا جائے گا جبکہ کامران اکمل بھی اسکواڈ کا حصہ ہوسکتے ہیں، محمد عرفان کو ڈراپ کیا جائےگا۔