Thatta hut lgnysy

ٹھٹھہ……ٹھٹھہ سے سو کلو میٹر دور ساحلی جزیرے پرواقع ایک جھونپڑی میں آگ لگنےسے دس افراد جاں بحق اور چار زخمی ہوگئے ۔
پولیس کے مطابق کے ٹی بندر کے قریب سمندری جزیرے میں رات گئے لالٹین گرنےسے آگ لگ گئی جودیکھتے ہی دیکھتے پھیل گئی اور اس نے قریب ہی موجود ڈیزل کے ڈرم کو بھی اپنی لپیٹ میں لے لیا ۔آگ کے باعث جھونپڑی میں سوئے ہوئے دس افراد جھلس کر جاں بحق ہوگئے جن میں تین خواتین اورچار بچے بھی شامل ہیںجبکہ حادثے میں چار افراد زخمی بھی ہوئے جنہیں تشویش ناک حالت میں کراچی منتقل کیا جارہا ہے ۔تمام افراد کا تعلق جت برادری سے ہے ۔