Islamabad Karachi

دبئی ……پاکستان سپر لیگ کے چھٹے میچ میں اسلام آباد یونائیٹڈ نے کراچی کنگز کو دلچسپ مقابلے کے بعد 2رنز سے شکست دیدی ہے ،اسلام آباد یونائیٹڈ کے سعید اجمل میچ میں 3وکٹ لینے پر مین آف میچ قراردیا گیا ۔
رنز کے ہدف کے تعاقب میںکراچی کنگز کے ابتدائی بلے باز بری طرح ناکام رہے،دونوں اوپنر صرف 3رنز پر پویلین لوٹ گئے،لینڈل سیمنز1، جیمز ونس2رنز ہی بناسکے،جس کے بعد عماد وسیم اور شعیب ملک نے اسکور 35رنز تک پہنچایا ،اس موقع پر 29رنز بنانے والے عماد وسیم رسل کی گیند پر کیچ آئوٹ ہوگئے۔چوتھی وکٹ کپتان شعیب ملک کی گری جو 6رنز بناکر محمد سمیع کی گیند پر بولڈ ہوگئے۔کپتان کے جانے کے بعد آنے والے کھلاڑیوں میں شکیب الحسن 20،افتخار احمد 19رنز بناکر آئوٹ ہوئے تو بوپارا نے 32رنز بناکر میچ کو دلچسپ بنادیا ،ان کی اننگ میں 2چوکوں اور 2چھکے بھی شامل تھے۔یوں مقررہ 20اوورز میں کراچی کی ٹیم 9وکٹ کے نقصان پر 130رنز تک محدود رہی۔اسلام آباد کے سعید اجمل نے 3،رسل ،محمد سمیع اور رئیس نے 1,1 کھلاڑی کو آئوٹ کیا ،قبل ازیں اسلام آباد یونائیٹڈ نے پہلے بیٹنگ کرتے ہوئے 132 رنز بنائے،جس میں خالد لطیف 39 ، شرجیل خان 28 اور محمد سمیع 20رنز کے ساتھ نمایاں رہے۔