Farooq Bhatti

سرائے عالمگیر (نمائندہ خصوصی ) یونین کونسل کھوہار سے نو منتخب چیرمین اور تحریک انصاف کے رہنما چوہدری محمد فاروق بھٹی نے کہا ہے کہ شریف برادران جاتی امراء سے لاہور کا راستہ ایسے بنارہے ہیں جیسے آنے والے وقت میں ملک کا دارالخلافہ لاہور ہو گاجس کے لیے پورے ملک کا بجٹ ایک طرف رکھ کر موازنہ کیا جاے تو پھر بھی تخت لاہور سرفہرست ہے۔ نمائندہ سے بات چیت کرتے ہوئے انہوں نے کہا کہ مسلم لیگ ن کے پاس عوامی فلاح و بہبود کا کوئی فارمولا نہیں لاہور کے علاوہ دیگر شہری اور دیہی آبادی زندگی کی بیشتر بنیادی ضروریات سے محروم ہے ،لوگوں کے پاس ،صحت ،تعلیم ،اور پینے کا صاف پانی تک میسر نہیں لیکن حکمران اس طرف توجہ دینے کی بجائے ملکی وسائل کو کمشن کمانے اور اپنوں کو نوازنے پر بے دریغ لٹا رہے ہیں اور ان کی راہ روکنے والا کوئی ۔فاروق بھٹی نے کہا کہ تحریک انصاف عوامی جماعت ہے اور عمران خان عوام کا حقیقی لیڈر ہے جو عوام کی محرومیوں کو دور کر کے انہیں زندگی کی تمام تر بنیادی سہولیات بہم دہلیز پر پہنچانا چاہتا ہے لہذا اب عوام کو ہوش کے ناخن لیتے ہوئے نواز اینڈ کمپنی سے جان چھڑانا ہو گی اور پی ٹی آئی کو آگے لانا ہو گا تاکہ ملک و ملت کو استحکام ملے اور دیرینہ مسائل کا دیرپا حل ممکن ہو۔