mourning wars Pawar

ننکانہ صاحب (زاہد اعوان)کوٹ وار میں گیس ٹینکر حادثہ کی وجہ سے پوار شہر سوگ میں ڈوب گیا ۔ تفصیلات کے مطابق گزشتہ روز ننکانہ مانانوالہ روڈ پر واقع گاؤں کوٹ وار کے قریب صبح سویرے دھند کی وجہ سے سامنے سے آنیوالی تیز رفتار کار گیس ٹینکر سے ٹکرائی جس کے نتیجہ میں گیس ٹینکر کو آگ لگ گئی اور پاس ہی کھڑے سکول جانے والے رکشے ، کاریں جن میں بچے، خواتین اور ٹیچرز سوار تھے جل کر راکھ ہوگئے حادثہ میں 13افراد جاں بحق جبکہ 30کے قریب زخمی ہوئے ہیں حادثہ کی خبر جنگل کی آگ کی طرح علاقہ میں پھیل گئی اور لوگ ڈی ایچ کیو ہسپتال اور جائے وقوعہ پر پہنچ گئے لوگوں کی بڑی تعداد ڈی ایچ کیو ہسپتال پہنچ کر لواحقین کیساتھ اظہار تعزیت کرتے رہے جن میں سول سوسائٹی ، وکلاء تاجر ،صحافی ، انتظامیہ اور دیگر شعبہ سے تعلق رکھنے والی سماجی تنظیموں نے تعزیت کا اظہار کیا اور کہا کہ اللہ تعالی حادثہ میں جاں بحق ہونیوالے افراد کے درجات کو بلند کرئے ان کو لواحقین صبر جمیل دے اور زخمی ہونیوالوں کو جلد از جلد صحت یاب کرئے۔