Bacha Khan University

فیصلہ یورنیورسٹی وائس چانسلر کی زیر صدارت اجلاس میں کیا گیا ، ڈی پی او چارسدہ سہیل خالد و دیگر پولیس افسران کی بھی شرکت
چارسدہ (یس اُردو) باچا خان یونیورسٹی چارسدہ کو 15 فروری سے کھولنے کا فیصلہ کرلیا گیا ، فیصلہ یونیورسٹی میں وائس چانسلر فضل رحیم مروت کی زیر صدارت اجلاس میں کیا گیا جس میں ڈی پی او چارسدہ سہیل خالد و دیگر پولیس اہلکاروں کے علاوہ یونیورسٹی انتظامیہ کے اراکین نے شرکت کی ۔ اجلاس میں فیصلہ کیا گیا کہ یونیورسٹی کھلنے کے بعد آٹھ مرد اور دو خواتین پولیس اہلکار یونیورسٹی میں تعنیات ہونگے ۔ اس کے علاوہ جب تک سیکورٹی کے حوالے سے کلیئر چٹ نہیں ملتی تب تک طلباء و طالبات کو لانے لے جانے والی گاڑیاں نہیں چلیں گی ۔ علاوہ ازیں یونیورسٹی کے حدود میں پولیس موبائل گاڑیاں پٹرولنگ کرتی رہے گی تاکہ وہ کسی بھی ناخوشگوار صورتحال پر نظر رکھ سکے