The fifth ODI century

کیپ ٹاؤن……… اے ڈی ویلیئرز کی شاندار اننگز نے جنوبی افریقا کوانگلینڈ کیخلاف آخری ون ڈے جتوادیا۔ پروٹیز نے 237رنز کا ہدف 5وکٹوں پر پورا کرکے سیریز 2-3 سے اپنے نام کرلی۔ ڈی ویلیئرز 101رنز کے ساتھ ناقابل شکست رہے۔
الیکس ہیلز کی 112رنزکی اننگز بھی ٹیم کو فتح سے ہمکنا رنہ کرسکی۔ ڈی ویلئیرز کو میچ اورہیلز کو سیریز کا بہترین کھلاڑی قرار دیا گیا۔ کیپ ٹاؤن میں کھیلے گئے میچ میں جنوبی افریقا کو جیت کیلئے 237رنز کا ہدف ملا۔
جنوبی افریقا نے ہدف 5وکٹوں پر44 اوورز میں ہی حاصل کرلیا۔انگلش بولرز کی جانب سے ریس ٹوپلے 3 ،عادل راشد اورمعین علی نے ایک،ایک وکٹ لی۔ اس سے قبل انگلینڈ کی ٹیم 236رنز بناکر آؤٹ ہوگئی۔ پروٹیز بولرز کی جانب سے کیگسیو رابادا، ڈیوڈ وائس اور عمران طاہر نے 3 وکٹیں، جبکہ کائل ایبٹ نے ایک کھلاڑی کو آؤٹ کیا۔