Venezuelan Minister

کراکس …….کچھ لوگوں کو جوتوں کا پرفیکٹ سائز تلاش کرنے میں خاصی مشکل درپیش ہوتی ہے ، لیکن جناب کچھ بھی ہے ایسی مشکل یقیناًنہیں ہو گی، جیسی وینزویلا کے شہری جیسن روڈریگوزکو اپنے دیوہیکل پیروں میں پہننے کے لئے جوتوں کے حصول کیلئے ہوتی ہے۔
جیسن کے پاؤں کا سائز اتنا بڑا ہے کہ ان کا نام گینز ریکارڈ بک میں شامل ہے، جن کا قد 7 فٹ 3 انچ ہے جبکہ جوتوں کا سائز 32 ہے جوعام طور پر مارکیٹ میں دستیاب ہی نہیں ہوتا۔جیسن کی اس مشکل کا حل جرمنی کی ایک جوتاساز کمپنی نکال لیا ہے، جنہوں نے جیسن کوان کے سائز کے جوتوں کے 4 سیٹ تحفہ کے طور پر دئیے ہیں۔اس جرمن کمپنی کے مالک ویسلز کے مطابق وہ گزشتہ40 برسوں سے دنیا کے طویل القامت افراد کے لئے مفت جوتے بنا رہے ہیں۔