Rangers, illegal passport

ندیم کو باٹا پور کے علاقے سے حراست میں لیا گیا ، گھر کی تلاشی کے دوران تین کلو ہیروئن ، متعدد پاسپورٹس ، بھارتی موبائل سمیں اور گولیاں برآمد
لاہور (یس اُردو) لاہور میں رینجرز نے کارروائی کرکے پولیس کانسٹیبل کو گرفتار کرلیا ۔ اس کے قبضے سے 3 کلو ہیروئن ، بھارتی سمیں ، متعدد پاسپورٹ اور اسلحہ برآمد ہوا ۔ لاہور میں رینجرز نے باٹا پور کے علاقے میں تھانہ ڈیفنس بی میں تعینات کانسٹیبل ندیم کے گھر پر چھاپہ مارا اور ملزم کو گرفتار کرلیا ۔ انویسٹی گیشن میں تعینات ملزم ندیم کے قبضے سے 3 کلو ہیروئن ، متعدد پاسپورٹ، بھارتی سمیں اور گولیاں برآمد کرلیں ۔ پولیس نے ندیم کے خلاف مقدمہ درج کرلیا جب کہ مزید تفتیش کے لئے رینجرز نے ملزم ندیم کو نامعلوم مقام پر منتقل کر دیا ہے ۔ ذرائع کا کہنا ہے کہ ندیم پر منشیات فروشی اور واہگہ کے راستے منشیات بھارت سمگلنگ کا الزام ہے ۔ ندیم ایک گینگ کی شکل میں کام کر رہا تھا ۔ اس کے دیگر ساتھیوں کی گرفتاری کے لئے کوششیں جاری ہیں