Saqbh suicide
مسلم باغ کی پرنسپل عابدہ اور اس کے دیور کلرک محمود کی پچاس پچاس ہزار روپے کے مچلکے جمع کرانے پر ضمانت منظور کی گئی
کوئٹہ (یس اُردو) ثاقبہ خودکشی کیس کے نامزد ملزمان مسلم باغ گرلز کالج کی پرنسپل عابدہ غوث اور کلرک محمود کی جانب سے سیشن کورٹ میں دائر کردہ درخواست قبل از گرفتار عدالت نے منظور کر لی ۔ ملزمان کی جانب سے سیشن کورٹ کے جج منور شاہنوانی کو درخواست ضمانت جمع کرائی گئی ۔ عدالت نے درخواست ضمانت 15 مارچ 2016 تک منظور کر لی جس پر ثاقبہ خوکشی کیس کے نامزد ملزمان نے 50،50 ہزار روپے کے مچلکے عدالت میں جمع کرا دئیے ۔ سیشن کورٹ نے مسلم باغ گرلز کالج کی پرنسپل عابدہ اور اس کے دیور کلرک محمود کو 15 مارچ 2016 کو مسلم باغ کے ایڈیشنل سیشن جج کے سامنے پیش ہونے کا حکم بھی دیا ۔ دوسری جانب ہوم سیکرٹری اکبر درانی کی جانب سے ہائی کورٹ کو ثاقبہ خودکشی کیش کی تحقیقات کے لیے جوڈیشل کمیشن کی تشکیل کی یقین دہانی کے باوجود تاحال کمیشن کی تشکیل عمل میں نہیں لائی جا سکی ۔
