The application
وزیر اعلیٰ نے بلا جواز بیرون ملک دورے کئے ، اپوزیشن لیڈر ، لاہور ہائیکورٹ نے درخواست کے ساتھ تصدیق شدہ دستاویزات لگانے کا حکم دے کر اعتراض مسترد کر دیا
لاہور (یس اُردو) لاہور ہائیکورٹ نے پنجاب اسمبلی میں اپوزیشن لیڈر کی وزیر اعلی شہباز شریف کے بیرونی دوروں کے خلاف درخواست ناقابل سماعت قراردیدی ۔ لاہور ہائیکورٹ کے جسٹس شاہد وحید نے میاں محمود الرشید کی متفرق درخواست پر سماعت کی تو درخواست گزار کے وکیل شیراز ذکاء ایڈووکیٹ نے یہ اعتراض اٹھایا کہ وزیر اعلیٰ پنجاب شہباز شریف نے بلاجواز غیر ملکی دورے کئے ہیں ، درخواست گزار کے مطابق وزیر اعلیٰ پنجاب کے ان بیرونی دوروں سے قومی خزانے کو نقصان پہنچا ہے ۔ اپوزیشن لیڈر کے وکیل شیراز ذکاء ایڈووکیٹ نے قانونی نکتہ اٹھایا کہ آئین کے تحت آڈیٹر جنرل بیلک اکاؤنٹس کمیٹی میں بیرونی دوروں کی تفصیلات پیش کرنے کے پابند ہیں لیکن آڈیٹر جنرل نے اپنی آئینی ذمہ داری پوری نہیں کی ۔ درخواست میں استدعا کی گئی ہے کہ آڈیٹر جنرل پاکستان کو وزیر اعلیٰ پنجاب کے دوروں کی تفصیلات پبلک اکائونٹس کمیٹی میں پیش کریں ۔ لاہور ہائیکورٹ نے درخواست گزار کو تصدیق شدہ دستاویزات ساتھ لگانے کی ہدایت دیتے ہوئے درخواست ناقابل سماعت قرار دیدی ۔
