Disapproval fees increased

آل پاکستان پرائیویٹ اسکولز فیڈریشن اور پاکستان ایجوکیشن کونسل نے فیسوں میں اضافے کے معاملے پر آٹھ اور نو مارچ کو پنجاب بھر کے پرائیویٹ اسکولز بند کرنے کا فیصلہ کر لیا ہے۔
لاہور: (یس اُردو) آل پاکستان پرائیویٹ اسکولز فیڈریشن اور پاکستان ایجوکیشن کونسل کا مشترکہ اجلاس ہوا، جس کے بعد جاری ہونے والے مشترکہ اعلامیہ میں دونوں فیڈریشنز نے آٹھ اور نو مارچ کو پنجاب بھر کے پرائیویٹ اسکولز بند رکھنے کا اعلان کر دیا۔ پرائیویٹ اسکولز مالکان نے مؤقف اختیار کیا ہے کہ احتجاج فیسوں میں کم اضافے کی اجازت کے باعث کیا جائیگا، پرائیویٹ اسکول بل کے تحت فیسوں میں پانچ فی صد اضافہ کسی بھی صورت منظور نہیں، حکومت پرائیویٹ اسکول مالکان کو فیسوں میں کم از کم دس فی صد اضافہ کرنے کی اجازت دے۔