Torkham Afghan
پاک افغان سرحد طور خم پر سکیورٹی فورسز نے افغان پولیس اہلکار کو علاج کے بعد افغان حکام کے حوالے کیا، جس پر افغان حکام نے پاکستان کا شکریہ ادا کیا۔
طور خم: (یس اُردو) خیبر ایجنسی لنڈی کوتل سے متصل طور خم سرحد پر ایف سی خیبر رائفلز نے افغان پولیس اہلکار عالم زیب کو افغان حکام کے حوالے کیا۔ افغان اہلکار افغانستان کے صوبے کنڑ میں طالبان کے ساتھ جھڑپ میں سر پر گولی لگنے سے زحمی ہوا تھا، جس کا پشاور سی ایم ایچ میں دس دن علاج کیا گیا اور صحت یابی کے بعد طور خم سرحد پر پاکستانی سکیورٹی فورسز نے افغان حکام کے حوالے کیا، جس پر افغان حکام نے پاکستان کا شکریہ ادا کیا۔ افغان اہلکار کو پاکستانی فورسز نے تحفوں کے ساتھ سرحد پر رخصت کیا۔ اس سے قبل بھی پاکستانی حکام نے جذبہ خیر سگالی کے طور پر کئی افغان اہلکاروں کو علاج کر کے طور خم سرحد پر افغان حکام کے حوالے کیا ہے
