Pakistani women

چنئی……آئی سی سی ورلڈ ٹی ٹوینٹی کی آرگنائزنگ کمیٹی نے پاکستان ویمن کرکٹ ٹیم کو میگا ایونٹ سے قبل وارم اپ میچز ری شیڈول کرنے سے انکار کردیا ہے، پاکستانی خواتین بغیر وارم اپ میچ کھیلے ہی میگا ایونٹ کیلئے میدان میں اتریں گی ۔
پاکستان ویمن کرکٹ ٹیم کیلئے ویسے تو ورلڈ ٹی ٹوینٹی سے قبل نیوزی لینڈ اور سائوتھ افریقا سے میچز شیڈول تھے ، لیکن سیکیورٹی کلیئرنس کی وجہ سے ٹیم کی روانگی میں تاخیر ہوئی تو یہ دونوں میچز ٹیم کے ہاتھ سے نکل گئے۔پاکستان ٹیم کی انتظامیہ نے آئی سی سی سے درخواست کی تھی کہ ٹیم کو مقامی ٹیموں کے ساتھ ہی وارم اپ میچز دے دیئے جائیں لیکن آرگنائزنگ کمیٹی نے پاکستان کی درخواست مسترد کردی ۔ پاکستان ویمن ٹیم نے کنڈیشنز سے ہم آہنگی کیلئے دوسری ٹیموں کے میچز کو دیکھنے پر اکتفا کیا اور اب ٹیم بغیر وارم اپ میچز کھیلے ہی ورلڈ ٹی ٹوینٹی کیلئے میدان میں اترے گی ۔