Cities Police

کھاریاں(نیئر صدیقی سے)کھاریاں پولیس نے واردات کی نیت سے کھڑے ڈبل کیبن ڈالہ سے بھاری مقدار میں ناجائز اسلحہ برآمد کر لیا۔ ۳ملزم گرفتار۔ تفصیلات کے مطابق پولیس نے ڈنگہ روڈ کے قریب لنک کراڑیوالہ روڈپر مشکوک حالت میں کھڑی گاڑی کو چیک کیا تو اس سے تین عدد کلاشنکوف، 11میگزین اور گولیوں کے 600راؤنڈ برآمدہوئے۔ گاڑی پر سوار 3ملزم علی حسن ولد عبدالغنی سکنہ نوشہرہ سانسی گوجرانوالہ، محسن نصیر ولد نصیر احمد سکنہ حسنہ ججا تحصیل پسرور ضلع سیالکوٹ اور شاہ نواز ولد ضیاء اللہ سکنہ حسنہ ججا تحصیل پسرور ضلع سیالکوٹ گرفتار کر لئے گئے۔ شبہ ظاہر کیا جا رہا ہے کہ ملزم کسی بڑی واردات کی نیت سے کراڑیوالہ روڈ پر کھڑے تھے۔ پولیس مصروف تفتیش ہے۔